السلام عليكم حبايب قلبى واخواتى الافاضل
مش عارف ابدا منين موضوع اتكلمنا فى كتير واسال الله سبحانه وتعالى اننا بنكون بنعمله
حبيب قلبى بيضيع منك كام فرض فى اليوم سواء صلاه او ذكر او صله رحم
وكم ذنب تفعله من سماع اغانى ومعصيه والديك والانشغال بغير ماهو مفيد
طب احنا عاوزين نموت على ايه سامع واحد من هناك بيقولى يا عم احنا لسه شباب
حبيب قلبى الموت لا يعرف كبير ولا صغير
حبيب قلبى تخيل وقوفك فى طابور العيش فى عز الحر وانت حوليك عشر افراد
بتبقى حالتك عامله ازاى مش متحمل الوقفه وعاوز تخلص
ما بالك وانت واقف منتظر حسابك
تعالى النهارده حضرتك وجضرتها وحط اديك على البوتجاز او بلاش اعمل كوبايه شاى
واول ما تصبها امسكها ياترى هتتحملها
وقارنها بنار جهنم
حبيب قلبى الوقت اللى انت بتقضيه فى الدنيا ضيف ولا بد للضيف من رحيله
وانت لو ضيف تحب تروح وتمشى من غير ما تسبب ازعاج لحد
وتحب بعد ما تمشى الناس يقولوا ده مؤدب او مؤدبه ويمدحوك
عاوزين نراقب اعمالنا ونستغل كل دقيقه فى عمل نلاقى ثماره دنيا واخره
فانا فكرت فى حاجه كده بسيطه
ولو لقيت بذرتها اثمرت هنستمر فيها لحد ما ندخل الجنه مع بعض ان شاء الله
كان فى سلسله تسمى ( على فين يا شباب )
هى عباره عن 30 حلقه للشيخ / حازم شومان اكيد كلكوا عارفينوا
ال 30حلقه عندى كلهم بس انا عندى اقتراح ده لو بعد اذنكوا
هنزل كل يوم حلقه تمام وهنسمعها ونحاول نطبقها
ونعمل بيها وفى اليوم التانى حلقه تانيه وهكذا هتلاقى اخر الشهر لو احنا كنا صادقين مع
نفسنا اننا نغيرنا كتير فهندخل على حاجه تانى وهتبقى حياتنا زى الفل بس بالله عليكو يا
جماعه ننفذ احنا كلنا اخطاء وانا اكتركوا واولكوا فعلشان خاطرى نحط ايدينا فى ايدين بعض
علشان النبى يتباهى بينا يوم القيامه
ولما نسمع وننفذ نقول واحد صاحبنا او واحده صاحبتنا كنا زيه او زيها وناخد بايديهم
ويبقى احنا سمعنا من دعاه واشتغلنا (دعاه والدال على الخير كفاعله ) ولان يهدى بك الله رجلا
واحد خير من الدنيا وما فيها
ياريت تقولى رايكم قبل ما انزل ( سامع حد من هناك بيقول ياعم ما تنزل واللى يسمع
يسمع واللى مش يسمع هو حر )
لا يا جماعه اصلى لما اللى هيسمع ومش هيعمل اخطر بكتير من اللى مش سمع
(هل يستوى الذين يعلمون والذين لا يعلمون فليتذكر اولوا الالباب) وان شاء الله لو نزلت هتبقى
فى قسم الصوتيات والمرئيات
دمتم فى حفظ الله وامنه
والسلام عليكم ورحمه الله وبركاته
.jpg){kind=small}
موضوع: مش عارف ابدا منين؟؟؟؟؟ 
