سلام لصاحبي

كان فيه اتنين صحاب اوى كل واحد فيهم كان عايش لوحده لحد ما اتقابله كل
واحد شاف نفسه وحياته واتعاهدوا انهم مايفترقوش أبدا

واحد منهم بقي غني أوي أوي

في حين ان صاحبه التاني الدنيا ضاقت بيه وبقي فقير جدا ومش لاقي حتي ياكل
...
فكر يعمل ايه قال اروح لصاحبي

راح لصاحبه ورن الجرس فتحلو البواب قاله قول لكذا ان صاحبه الوحيد على
الباب

أول ما البواب بلغه جري جري ملهوف على صاحبه وقعدوا مع بعض

وقاله ياصاحبى انا محتاج فلوس عشان ابدأ بيها حياتى

وصاحبه اداله فلوس علشان يبدا بيها حياته

وفعلا كبر وبقي غني أوي أوي وصاحبه الي كان غني أوي بقي فقير أوي أوي
والدنيا ضاقت بيه أوي أوي فيعمل إيه راح لصاحبه رن الجرس
البواب فتحله قاله قول لكذا ان صاحبه الوحيد على الباب جرى صاحبه ملهوف
عليه وقعدوا مع بعض
وطلب منه فلوس عشان يبدأ بيها حياته من جديد
وصاحبه اداله فلوس عشان يبدأ بيها حياته من جديد ..
وبدأ حياته وبقى غنى اوى وصاحبه التانى الزمن دار بيه وبقا فقير والدنيا
ضاقت فى وشه
قال اروح لصاحبى اللى مليش غيره وملوش غيرى
خبط عالباب فتحله البواب قال ...قول لكذا ان صاحبك الوحيد على الباب
البواب دخل ورجعله وقاله ان صاحبه مش موجود. ..
طبعا زعل قوي وقاله قوله انه مش عاوز حاجه وسابه ومشي مش عارف يعمل ايه ولا
يروح فين وهو ماشي في السكه لقي راجل كبير في السن قاله

مالك يابني حكالو قصته ...المهم الراجل اداله مفاتيح الورشه بتاعته وقاله
روح اشتغل فيها والي هتكسبه بالنص ...

راح فتح الورشه بيدور على الحجات الي هيشتغل بيها لقي صندوق مليان فلوس

...واحد غيره كان خد الصندوق وقفل الورشه ومشي

قرر انه يشتغل وينتظر صاحب الورشه مر شهر اتنين تلاته الراجل ماجاش في حين
ان الورشه بتكسب كتير أوي وبقت مصنع كبير ولما رجع الراجل قال عاللى حصل
..واللى لقاه
والراجل قاله الفلوس دى بتاعتك ......... مكافأه على امانتك...... انا مش
عاوزها ... خدها ..وابدأ بيها حياتك

والراجل اخده بيته ... اول مادخل بيته شاف صوره بنت جميله قاله ....
بنتك دى ... جوزهانى لو بنتك
الراجل قاله"
عدى عليا بعد 3 شهور وانا ارد عليك.

وبعد 3 شهور........

قاله الراجل انه هايجوزهاله..

وقرروا الجواز وفي الفرح وفجأه ..................

لقي صاحبوه داخل عليه طبعا هو مش ناسيله الي عمله فيه ................

فمسك الميكروفون وقال

سلام لصاحبي الي عاهدته على الوفاء ووفيت.....

سلام لصاحبي الي جالي فقير اديته........

واللى رحتله فقير ادانى.......

سلام لصاحبى اللى جالى محتاج اديته .....

سلام لصاحبي الي رحتله محتاج رماني........ وقفل بابه فى وشى

سلام لصاحبي الي قابلته بالحب قابلني بالشوك..............

سلام سلام وميت سلام للي خان العهد ومالوش أمان....
صاحبه التاني بقي اتحرج أوي
مسك الميكروفون وقال........
؟؟
؟؟
؟
؟
؟
سلام لصاحبي الي عمري ماخنته.......

سلام لصاحبي الي جالي قدرته ......

سلام لصاحبي الي بعت وراه أبويا الراجل الكبير يديله المال والشغل ........

سلام لصاحبي سلام لصاحبي الي كل يوم أبعتله عميل من مصنعي لمصنعه علشان
يكبر في حين ان انا بصغر....

سلام لصاحبي الي عجبته مراتي في الصوره فضلته على نفسي وجوزتهاله........

سلام لصاحبي الي ماطلعش صاحبي ومفهمش اني عمري ماخونه.......

سلام لصاحبي الي فاتحلو دراعي وبقلو تعاله في حضني بسرعه

متشكره جدا لردك الراقي