<H6 class=uiStreamMessage>يا ترى يا شباب ويا بنات لغة الحوار بين الآباء والأبناء تعانى من أزمة حقيقية ،،،هل يوجد فجوة بين جيل الأبناء والآباء ....في متخصصين قالوا أن الجيل الأبناء يعتبر نفسه يعرف أكثر ويملك ذكاء وعلم اكبر وجيل الأبناء مصمم على النصائح والإرشادات والخبرات الإجبارية .....
طيب السؤال هنا وكل واحد يجاوب بكل صراحة ووضوح :
1. هل أنت (أنتى ) صديق (صديقة ) لمامتك وباباك وبتحكى لهم كل حاجة فى حياتك ام تفضل (تفضلى ) ان تلجأ دائما لأصدقاؤك فى مثل سنك ؟
2. هل لو تعرضت (تعرضتى ) لمشكلة عاطفية او مشكلة مع أصدقاؤك أو زملاؤك حتلجأ أو (تلجأى) لمامتك ولا تفضلي ان تحكى لصديقة لكى او صديق لك مع العلم بأن الأم لن ولا يوجد احن عليكى منها وهى تكتم سرك وتنصحك لمصلحتك ولكن الصديقة أو الصديق (الله اعلم بالنوايا )؟؟؟
3. هل تشعرون بأن بعض الآباء بيحاولوا يتدخلوا فى حياة أولادهم الشخصية ويعاملوهم كأطفال محتاجين دائما للنصيحة والإرشاد دون أن يتركوا لهم مساحة للحرية في حياتهم واختيار أصدقاؤهم وملابسهم و0000
4. هل من الأفضل من وجهة نظركم أن ينتظر الآباء الوقت المناسب للنصيحة وحسب الموقف ولا يستمروا بإلقاء النصائح والتوجيهات باستمرار وفى كل المواقف ؟؟؟؟؟
طيب أنا عاوزة أقول حاجة كمان أن الوسائل الحديثة المتاحة الآن زى الاتصالات والفضائيات والكمبيوتر والنت والموبايلات كل دى حاجات جديدة وتطورت بسرعة وما زال التطور مستمر وان ريتم الحياة سريع مع جيل الأبناء وده نقطة اختلاف واضحة مع جيل الآباء واللي ما زال البعض منه رافض هذا التطور السريع ومش ملاحق عليه بعكس الشباب والبنات كل حاجة بنعملها بسرعة وكمان مش عاوزين حاجة أو نصيحة تقيد حريتنا .
آخر حاجة حسأل عنها يا ترى هل يوجد لغة حوار بينكم وبين أبويكم ..هل تجتمع الأسرة وتتكلم مثلا في موضوع يخص احد أفراد الأسرة وكل واحد يقول رايه بكل أدب واحترام ولا يحدث تجاوز في الكلام زى مثلا بعض الشباب يستخف دمه وينادى أمه باسمها أو ينادى والده باسمه ..يعنى علشان يوضح انه صاحبهم مثلا ...
طيب كفاية كده وأحب اسمع أراء الشباب والبنات ...
شكرا لكم
</H6>
.jpg){kind=small}
موضوع: لغة الحوار بين الأباء ولأبناء.هام 
